Բջջային համարների տեղափոխելիություն. օգո՞ւտ է, թե՞ վնաս

Հայաստանում վերջին շրջանում ակտիվացել են բանավեճերը MNP (համարների տեղափոխելիություն) ծառայության ներդրման ուղղությամբ: Ծառայությունը բջջային կապի բաժանորդին հնարավորություն է տալիս ցանկացած պահի փոխել օպերատորին` առանց համարը փոխելու: Օրինակ` ձեր համարը կարող է սկսել 091-ով, բայց սպասարկվել «Օրանժի» կամ «Վիվասելի» կողմից:

Բջջային օպերատորների մոտեցումն այս խնդրի հանդեպ միանշանակ չէ, ինչն արտահայտվեց նաեւ այսօր` փետրվարի 25-ին Աղվերանում ընթացող հեռահաղորդակցության խնդիրներին նվիրված սեմինարի ընթացքում:

MNP ծառայության ներդրմանը կողմ էր «Օրանժ Արմենիայի» ներկայացուցիչը, սակայն «Արմենթելը» մի շարք վերապահումներ ունի: «Արմենթելի» հասարակայնության հետ կապերի պատասխանատու Անուշ Բեղլոյանը NEWS.am-ի հետ զրույցում ասաց, որ MNP ծառայությունը պետք է ներդնել այն ժամանակ, երբ շուկան հավասարակշռվի: «Այլ հավասար պայմաններում մենք կողմ ենք MNP-ին, սակայն երբ նոր օպերատոր է մտնում բավական հագեցած շուկա, ի հայտ են գալիս խնդիրներ, քանի որ նոր օպերատորը զոհաբերում է իր ընթացիկ շահույթը բաժանորդ ներգրավելու համար: Դրանից տուժում է նաեւ պետական բյուջեն; Մենք կարծում ենք`MNP ծառայությունը արդյունավետ կարող է լինել միայն այն ժամանակ, երբ շուկայում տարբեր օպերատորների ֆինանսական կարգավիճակը հավասարվի»,- ասաց Ա. Բեղլոյանը:
news.am

Համացանցում «ճանապարհորդելու» տեսանկյունից Հայաստանը վտանգավոր երկրների շարքում է

Հայաստանը 2011 թվականին ինտերնետ-բրաուզերների միջոցով հաքերային հարձակման ենթարկվելու քանակով չորրորդ տեղն է զբաղեցրել: Այդ մասին հաղորդում է ռուսական «Կասպերսկիի լաբորատորիա» հակավիրուսային ընկերությունը: Վարկանիշային աղյուսակում առաջին տեղը զբաղեցրել է Ռուսաստանը:

Անցած տարվա ընթացքում  բրաուզերների միջոցով հարձակման է ենթարկվել համացանցից օգտվող ռուսների 55,8 տոկոսը: Երկրորդ տեղում Օմանն է` 54,8 տոկոս ցուցանիշով, երրորդում` ԱՄՆ-ն, որտեց նման հարձակումների է ենթարկվել ինտերնետից օգտվողների 50,1 տոկոսը:

Վարկանիշային աղյուսակի տասնյակում Հայաստանին հաջորդում են Բելառուսը, Ադրբեջանը, Ղազախստանը, Իրաքը, Ուկրաինան եւ Գվինեա-Բիսաուն, հաղորդում է ««Տեղեկատվական անվտանգությունը»:

«Համացանցում «ճանապարհորդելիս»(վեբ-սերֆինգ) կիբերսպառնալիքների հետ բախվելու վիճակագրությունը, ըստ էության, ցույց է տալիս միջավայրի ագրեսիվության այն մակարդակը, որում աշխատում է համակարգիչը: Անցած տարի ամբողջ աշխարհի կտրվածքով այդ  ցուցանիշը 2 տոկոսով աճել եւ կազմել էր  32,3 տոկոս»,- հայտարարել է «Կասպերսկիի լաբորատորիայի» փորձագետ  Յուրի Նամեստնիկովը:

news.am

Իրանցիները զրկվել են Gmail,Yahoo mail և Hotmail մուտք գործելու հնարավորությունը

Ինչպես հաղորդում է Associated Press-ը ավելի քան 30 մլն ինտերնետ օգտագործողներ Իրանում կորցրել են Gmail,Yahoo mail և Hotmail մուտք գործելու հնարավորությունը: Իրանի կապի նախարարության ներկայացուցիչները ընհանուր առմամբ հերքում են այն, որ իրենք են սահմանափակել մուտքը վերոնշյալ ծառայություններին:

Իրանի կառավարությունը հաճախ է սահմանափակում երկրի ինտերնետը:  2009-ի նախագահական ընտրություններից հետո, երբ սկսեցին մասայական անկարգությունները, Իրանը արգելափակեց մուտքը Facebook  և Twitter:

Իրանը նաև սպառնում էր փակել Gmail-ի մուտքը , դրա փոխարեն ցանկանալով ստեղծել սեփական փոստային համակարգ:

Pcnews.am

Սերը և տեխնոլոգիաները

Մեզ համար ուղղակի անհնար է պատկերացնել մեր կյանքը առանց նորագույն տեխնոլոգիաների, քանի որ մենք սովորել ենք տրանսպորտում կարդալ տվյալ պահին հետաքրքրող ինֆորմացիան, լսել երաժշտություն, երբ մենք կցանկանանք, գնումներ կատարել ինտերնետ-խանութներից, ընկերներ գտնել սոցիալական կայքերում, կապի մեջ լինել մեր մտերիմների հետ, որքան էլ հեռու լինեն և իհարկե սովորել ենք ինտերնետի միջոցով ճանփորդել աշխարհով մեկ:

Նորագույն տեխնոլոգիաները թույլ են տալիս ավելի մոտ հարաբերություններ կառուցել մեր ընկերների, բարեկամների և իհարկե մեր սիրելիների հետ: Սերը որպես կյանքի աղբյուր միշտ էլ իր խնամքն ու հոգատարությունն է պահանջել սիրահարված զույգերից: Ամեն օր, ամեն ժամ, ամեն րոպե և նույնիսկ ամեն վարկյան սիրած մարդուց լսելը կամ ասելը, որ “Ես քեզ սիրում  եմ”, ուղղակի ամեն անգամ նոր էներգիա, նոր հույսեր և նոր կյանք է պարգևվում սիրահարված զույգերին: Բայց հաճախ սիրող զույգերը, այնպիսի դժվարին իրադրություններում են հայտնվում, որ կարող է իրենց սերը դառնա մարդակային լոկ հիշողություն:

Տարիներ առաջ ամռանը մի տղա հանդիպում է գեղեցիկ աչքերով, մեղմ ու քնքուշ հայացքով մի բարի աղջկա, որի անուն էր Անաբելա: Անաբելան այնքան նուրբ ժպիտ ուներ, որ Գոռին գերել էր անմնացորդ: Գոռը այնպես էր սիրահարվել, որ անգամ չէր կարողանում իր սիրո մասին խոսել: Եվ հանկարծ մի քանի շաբաթ անց Գոռը իմանում է, որ արդեն Անաբելան պետք է վերադառնա Սանկտ Պետերբուրգ: Տղան անգամ չէր հասցրել ծանոթանալ, որի համար շատ էր տխրում:
Մարդկային հնարամիտ ու ստեղծագործ միտքը շատ անգամ է փրկել մարդկային զգացմունքներ, փրկել և պահպանել է սրբորեն: Գոռը ինտերնետի միջոցով սկսեց փնտրել Անաբելային: Փնտրում էր Google-ում, Facebook-ում, Twitter-ում, Skype-ում և հանկարծ գտավ Vk-ում: Չէր կարողանում հավատալ, որ ինքը կարող է գտնել այն սիրուն աչքերով աղջկան, որին շատ անգամ էր ցանկացել ուղղակի նրբորեն ականջին շշնջալ, որ ինքը շատ-շատ է սիրում իրեն: Գոռը սեր խոստովանեց երգերի և տեսահոլովակների միջոցով: Սակայն Անաբելան սկզբում չէր ուզում հավատալ, որ Գոռը այնքան ուժեղ է սիրել, որ չէր համարձակվել խոսել իր սիրո մասին: Նրանք գրեթե ամեն օր շփվում էին, փոխանակվում նկարներով, երգեր լսում միասին, անգամ միասին խաղեր խաղում: Երբեմն տեսազանգերի միջոցով օդային համբույրներ էին ուղղարկում միմյանց: Եվ ամեն օր ավելի ու ավելի էին մոտիկանում միմյանց: Նրանք միասին ստեղծել էին մի բլոգ, որտեղ գրանցվում էին միայն սիրող զույգեր: Իրենց բլոգում այնպիսի պատմությունների մասին էին կարդում, որ զարմանում էին մի բանի համար, որ իրենք միակը չեն և ինչքան միմյանցից այդքան հեռու սիրող սրտեր  են բաբախում միմյանց համար: Նրանք շատ ուրախ էին, որ իրենք այդքան հեռու և միաժամանակ այդքան մոտիկ էին:

Մի տարի անց Անաբելան նորից Հայաստանում էր ոչ թե հույր մի քանի շաբաթով, այլ սպասված սիրելի էակ, որ այսուհետ ապրելու էր հայրենիքում:  Ամեն  երեկո նրանք զրուցում էին հեռախոսով, կարճ հաղորդագրություններ ուղարկում միմյանց, քայլում իրենց սիրելի այգում և զգում էին, որ կարծես թե միմյանց ճանաչել եմ շատ վաղուց: Այդքան մոտ լինելով անգամ նրանք երեկոները կարոտում էին անվերջ ու անդադար: Փորձում էին իրենց կարոտն տեսազանգերի միջոցով խեղդել: Նրանք հասկանում էին, որ իրենք այլ կերպ ապրել չեն կարող:
Դեռ ինչքան սիրող սրտեր կլինեն միասին նորագույն տեխնոլոգիաների միջոցով…
http://www.mediamax.am/am/specialprojects/love-and-tec/4053/

Էսսեների մրցույթ` «Լեզուն հայրենիք է»

Հայկական գրատպության 500-ամյակի միջոցառումները համակարգող պետական հանձնաժողովը հոբելյանական ծրագրերի շրջանակում հայտարարում է  «Լեզուն հայրենիք է» թեմայով էսսեների մրցույթ:
Մրցույթն ունի աննախադեպ մրցանակ` հաղթողին հնարավորություն կտրվի մասնակցելու հոբելյանի շրջանակներում արտերկրում իրականցվող միջազգային որևէ ծրագրի:
Մրցույթին մասնակից ուսանողները կարող են ներկայացնել.
- էսսե (նվազագույն ծավալը` 500 բառ կամ 1.5 էջ) «Լեզուն հայրենիք է» թեմայով:
Մրցույթի պայմանները.
-Մրցույթին կարող են մասնակցել ՀՀ բարձրագույն ուսումնական հաստատությունների ուսանողները:
- Աշխատանքների ընդունումը` մինչև փետրվարի 10-ը ներառյալ:
- Հաղթողները հայտնի կդառնան փետրվարի 19-ին` Հովհ. Թումանյանի ծննդյան օրը:
Աշխատանքներին կից անհրաժեշտ է ներկայացնել.
- մասնակցի անձնագրի պատճենը,
- մասնակցի մեկ լուսանկար,
- մասնակցի հասցեն և հեռախոսահամարը,
- ԲՈՒՀ-ի անվանումը, ֆակուլտետը և կուրսը:
Աշխատանքներն անհրաժեշտ է ուղարկել Խնկո Ապոր անվան ազգային մանկական գրադարանի տնօրինություն (հասցեն` Տերյան փ. 42/1, հեռ.` 52.12.22, 58.33.35) կամ էլ. հասցեով` gradaran@childlib.am