Նոր առաջարկություն Orange-ից. Ինտերնետ Միասին

Orange ինտերնետի բաժանորդներն այսուհետ կարող են կիսվել իրենց ինտերնետով մտերիմների հետ և միասին օգտագործել գերարագ ինտերնետի փաթեթը: Ինտերնետ Միասին ծառայության շնորհիվ կարող եք ստանալ 1 կամ 2 լրացուցիչ SIM քարտ, որոնք կկցվեն Ձեր հիմնական հաշվին և Դուք կկարողանաք միաժամանակ օգտագործել ինտերնետ բաժանորդագրությամբ նախատեսված գերարագ ինտերնետի ծավալը: Գերարագ ինտերնետի ծավալը սպառելուց հետո քարտերից յուրաքանչյուրով կշարունակեք օգտվել անսահմանափակ ինտերնետից մինչև 256 Կբ/վ կամ 512 Կբ/վ ներբեռնման արագությամբ` համապատասխան Ձեր սակագնային պլանի:

Ինտերնետ Միասին ծառայության ամսավճարը յուրաքանչյուր լրացուցիչ SIM քարտի համար 2000 դրամ է: Հավելյալ SIM քարտերով ինտերնետից օգտվելու համար կարող եք նաև վարձակալել օգտագործված Ինտերնետ Հիմա մոդեմ` յուրաքանչյուր մոդեմի համար ամսական վճարելով 1000 դրամ: Մեկ տարվա անընդմեջ վարձույթից հետո մոդեմի ամսավճարը կդառնա 700 դրամ:

Ինտերնետ Միասին ծառայության և Ինտերնետ Հիմա մոդեմի վարձույթի համար ամսավճարները գանձվում են ամբողջովին` անկախ նրանից, թե Դուք քանի օր եք օգտվել ծառայությունից կամ օգտագործել մոդեմը: Ինտերնետ Միասին ծառայությունն ակտիվ կլինի այնքան ժամանակ քանի դեռ Դուք այն չեք դադարեցրել :

Ինտերնետ Միասին ծառայությունը չեք կարող ակտիվացնել և Ինտերնետ Հիմա մոդեմ չեք կարող վարձակալել բաժանորդագրության առաջին 15 օրերի ընթացքում կամ եթե ունեք չվճարված պարտք:

Ինտերնետ Միասին ծառայությունից օգտվելու դեպքում բոլոր քարտերով Դուք կկարողանաք վերալիցքավորել հաշիվը, փոխել լեզուն և ստուգել հաշվեկշիռը, իսկ ծառայություններ ակտիվացնել կամ ապաակտիվացնել, վճարովի կարճ հաղորդագրություններ ուղարկել, իմ Orange էջին և ձայնային մենյուին ամբողջական հասանելիություն ունենալ, ինչպես նաև դադարեցնել Ինտերնետ Միասին ծառայությունը Դուք կկարողանաք միայն հիմնական SIM քարտով:

Ինտերնետ Միասին ծառայության ամսավճարը հետագայում կարող է փոփոխվել, որի մասին Դուք նախապես կտեղեկացվեք: Փոփոխության հետ համաձայն չլինելու դեպքում կարող եք դադարեցնել Ինտերնետ Միասին ծառայությունը և Ինտերնետ Հիմա մոդեմի վարձույթը` Բաժանորդային Պայմանագրով սահմանված կարգով:
orangearmenia.am

Գավառում 6 մարդ մնացել է ձնաբքի մեջ

Այս գիշեր(15.12.2011)` ժամը 04.05-ին, ԱԻՆ փրկարար ծառայությունում ահազանգ է ստացվել, որ Գեղարքունիքի մարզում` Գավառ քաղաքի Սուրբ խաչ եկեղեցու մոտակայքում, «Ջիպ» մակնիշի ավտոմեքենայով ձնաբքի մեջ են մնացել 6 քաղաքացիներ, և ավտոմեքենան ճանապարհի երթևեկելի մաս դուրս բերելու համար անհրաժեշտ է փրկարարների օգնությունը:

ԱԻՆ լրատվական կենտրոնից «Առաջին լրատվական»-ին տեղեկացնում են, որ դեպքի վայր է մեկնել մարզային փրկարարական ջոկատը:

Առայժմ հայտնի չէ՝ փրկարարներին հաջողվե՞լ է դուրս բերել մեքենան ձնաբքից, թե՞ ոչ:
1in.am

Հայ աստղաբանը աշխարհի վերջը հետաձգում է 2013թ-ի փետրվարին

Խեցգետնի կամ սև վիշապի տարին լինելու է մտքի մեծ պոտենցիալի տարի: Այս մասին լրագրողների հետ հանդիպմանը այսօր ասաց աստղաբան-էզոթերիկ Գուրգեն Հովհաննիսյանը:

«Այս իմատով տարին ծանր է լինելու, քանի որ շատերը վաղուց դադարել եմ մտածել,-կատակում է աստղաբանը և ավելացնում,- տարին ծանր է լինելու նաև տնտեսական, ֆինանսական, նույնիսկ քաղաքական ոլորտներում»:

Նա նաև նշեց տարվա մեջ մի քանի օրեր, որոնք տարբերվելու են մնացածից:

«Օգոստոսի 15-ը կարող է քաղաքական ընդվզումների օր լինել: Նոյեմբերի 23-ին բնական աղետներ են սպասվում»,-ասաց նա:

Աստղաբանը խոսեց նաև աշխարհի վերջի մասին, սակայն ասաց, որ դա սպասվում է ոչ թե 2012-ին, այլ 2013 թ. փետրվարին:

«Սպասվում են մտավոր դաշտի ոլորտում փոփոխություններ: Կործանումներ չեն լինելու՝ մարդկությունը մի օրում չի վերանալու:

Հեթական փոփոխությունն է սպասվում: Մարդկանց մտաձևերի փոփոխություն է սպասվում, որը կարող է հանգեցնել մտավոր շեղումների»,-ասաց Գուրգեն Հովհաննիսյանը և ավելացրեց, որ սրանք կանխատեսումներ են, ոչ թե գուշակություններ:
tert.am

Google+-ը գործարկում է հրապարակային խմբային տեսազանգեր

Այսօր Google-ը հայտարարել է մի քանի փոփոխությունների մասին՝ կապված Hangout խմբային տեսազանգերի հետ:  Այսուհետ «Hangout» կոճակը կհայտնվի բոլոր հնարավոր տեղերում՝ կարգավիճակներին կամ ավելացված նկարներին կից:

Հաջորդ մեծ փոփոխությունը հրապարակային Hangout-ների գործարկումն է: Այսպիսի տեսազանգերը հնարավորություն կունենան դիտել անսահմանափակ թվով օգտագործողներ: Սա առաջին հերթին կգրավի հայտնի մարդկանց ուշադրությունը, ովքեր կցանկանան հրապարակային հարցազրույցներ տալ: Ծառայությունը թույլ կտա նման տեսազանգերը պահպանել YouTube-ում՝ որպես տեսանյութ:

Google-ը նաև մտածել է նրանց մասին, ովքեր չունեն վեբ-տեսախցիկ: Այսպիսի օգտագործողները կկարողանան միանալ «զվարճանքին» հեռախոսով:
pcnews.am

Կլիմկո. «90-ականների վերջին ԱրմենՏել-ի օպերատորները բղավում էին բաժանորդների վրա»

Երբ «ՎիմպելԿոմ»-ը ձեռք բերեց «ԱրմենՏել»-ի բաժնետոմսերի մի մասը, բախվեց խորհրդային ժառանգության հետ. «ԱրմենՏել»-ի շինությունները, սարքերը, ինչպես նաև կապը հին էին ու անորակ, իսկ աշխատակիցները՝ հիմնականում ծեր ու նոր տեխնոլոգիաներից գլուխ չհանող: Այս մասին այսօր «Տեխնոլոգիաները եւ հեռահաղորդակցությունը զանգվածային լրատվամիջոցներում» խորագրով համաժողովի շրջանակներում ասաց «ԱրմենՏել» ընկերության գլխավոր գործադիր տնօրեն Իգոր Կլիմկոն:

«Նույնիսկ 90-ականների վերջերին, երբ խորհրդային կարգերը վաղուց արդեն անցյալում էին, բաժանորդների զանգերին պատասխանում էին ծեր կանայք, որոնք միայն բղավում էին»,-հավելեց Կլիմկոն՝ նշելով, որ «ԱրմենՏել»-ի շուկա մտնելը նոր որակ բերեց Հայաստանի բջջային ծառայությունների սպասարկման ոլորտում:

Նշենք, որ ամեն տարի անցկացվող համաժողովին այս անգամ մասնակցում են Հայաստանի , Տաջիկստանի, Վրաստանի, Ղազախստանի, Ղրղզստանի և Ուզբեկստանի խոշոր ԶԼՄ-երի ավելի քան 30 ներկայացուցիչներ:

Միջոցառման նպատակն է տարբեր երկրների ԶԼՄ ներկայացուցիչների միջև փորձի փոխանակում իրականացնելն ու լրագրության վրա ժամանակակից տեխնոլոգիաների ունեցած  ազդեցությունը  քննարկելը:
pcnews.am

Beeline-ը ներկայացնում է նոր սակագնային փաթեթ`«Zr0»

«Zr0» սակագնային փաթեթի դեպքում յուրաքանչյուր ամսվա համար տրամադրվում է 700 րոպե ցանցի ներսում 0 դրամով խոսելու և ցանցի ներսում ավճար 150 կարճ հաղորդագրություն ուղարկելու համար: Այս սակագնային փաթեթի անցման դեպքում յուրաքանչյուր օրվա համար գանձվում է օրավարձ` 29.99 դրամ, իսկ միացումը ավճար է: Եթե նախկինում գոյություն ունեցող Ազատ Շփում սակագնային փաթեթից օգտվելիս անհրաժեշտ էր յուրաքանչյուր ամիս լիցքավորել 4500 և ավել գումար, ապա այս սակագնային փաթեթի դեպքում անհրաժեշտ է լիցքավորել` 3000 դրամ:

Տոնական անակնկալ «ՄՏՍ կոնեկտ անսահմանափակ» և «ՄՏՍ կոնեկտ անսահմանափակ+» փաթեթների բաժանորդների համար

2011թ. դեկտեմբեր և 2012թ. հունվար ամիսներին «ՄՏՍ կոնեկտ անսահմանափակ» փաթեթի բաժանորդները միևնույն գումարի դիմաց ներբեռնման համար ստանում են ամսական 10ԳԲ գերարագ ինտերնետ նախկին 5-ի փոխարեն:

 

Նմանապես, «ՄՏՍ կոնեկտ անսահմանափակ+» փաթեթի բաժանորդները ներբեռնման համար նախկին 10ԳԲ-ի փոխարեն ստանում են ամսական 20ԳԲ գերարագ ինտերնետ:

Չինացին «համարյա» iPad է պատրաստել՝ ծախսելով 125 դոլար

Չինացի ուսանող Վեյ Սինլունը, փող չունենալով իր ընկերուհու ծննդյան տարեդարձին Apple iPad նվիրելու համար, պատրաստել է ինքնաշեն պլանշետային համակարգիչ, որն ավելի էժան է, քան iPad-ը և նույնիսկ 200 դոլար արժողությամբ «ամենաէժան» Kindle Fire-ը:

Ինչպես գրում է China Daily-ն, պլանշետի պատրաստման համար Վեյին անհրաժեշտ է եղել ընդամենը 125 դոլար և 10 օր: Դրա համար նա օնլայն-խանութից պատվիրել է օգտագործված նոութբուք 78 դոլարով, որից հանել է անհրաժեշտ պրոցեսորը, և այլ մասեր, իսկ կուտակիչն ու սենսորային էկրանն արժեցել են մոտ 50 դոլար:

«Պլանշետով կարելի է կարդալ, ֆայլեր բեռնել, ֆիլմեր դիտել ու խաղալ», - կիսվել է Չանչունի հյուսիսարևելյան մանկավարժական համալսարանի ուսանող Վեյը: Սարքն աշխատում է Microsoft Windows 7  համակարգով, որի արժեքն է մոտ 100 դոլար, սակայն պլանշետի գնի մեջ այն ներառված չէ: Ամենայն հավանականությամբ՝ ՕՀ-ի լիցենզիան եկել է նոութբուքի հետ կամ տեղադրվել է ոչ օրինական ՕՀ: Վեյի ընկերուհին պլանշետը զարդարել է քարերով ու iPad-ի լոգոյով և համարում է այն իր ստացած լավագույն նվերը:
pcnews.a