Հայաստանը աշխատուժ կարտահանի Արաբական Միացյալ Էմիրություններ

Հայաստանը պատրաստվում է աշխատուժի արտահանման վերաբերյալ համաձայնագիր կնքել Արաբական Միացյալ Էմիրությունների հետ: Համաձայնագրի տեքստը տեղադրված է ՀՀ կառավարության պաշտոնական կայքէջում, իսկ հարցը ներառվել է կառվարության սեպտեմբերի 1-ի նիստի օրակարգ:

Համաձայնագրով նախատեսվում է, որ ԱՄԷ համապատասխան գերատեսչությունը (հավանաբար` աշխատանքի նախարարությունը) Հայաստանի տարածքային կառավարման նախարարության միգրացիոն պետական ծառայությանը կներկայացնի թափուր աշխատատեղերի վերաբերյալ հայտեր: ՀՀ միգրացիոն ծառայությունը պետք է միջոցներ ձեռք առնի այդ հայտերը բավարարելու համար, ինչպես նաեւ պետք է հեշտացնի ԱՄԷ-ում աշխատել ցանկացողների բուժզննման, անձնագրի եւ ելքի թույլտվության գործընթացները: Աշխատանքային պայմանագրերը պետք է կնքվեն Աբու Դաբիում, սակայն հաստատվեն ՀՀ դեսպանության կամ հյուպատոսական հիմնարկի կողմից:

ԱՄԷ-ն ունի խիստ զարգացած եւ բարձր տեմպերով զարգացող տնտեսություն: Երկրի իշխանությունները վարում են տնտեսական, այսպես կոչված, «բաց դռների» քաղաքականություն:

ԱՄԷ-ի տնտեսության եւ սոցիալական կյանքի տարբեր ոլորտների հսկայածավալ ծրագրերն իրականացվում են օտարերկրյա աշխատուժի ներգրավմամբ (Հնդկաստան, Պակիստան, Ֆիլիպիններ, արաբական երկրներ եւ այլն):

ԱՄԷ-ի գործատուների կողմից առաջարկվում են բավականին գրավիչ պայմաններ` բարձր աշխատավարձ, բնակության բավարար պայմաններ, երկկողմանի ինքնաթիռի տոմսեր: Բացի այդ` ԱՄԷ օրենսդրությունը կտրականապես արգելում է աշխատանքային պայմանագրի ժամկետը լրանալուց հետո երկրում մնալը:
news.am

Ձերբակալվել է ՀՀ Ոստիկանության «Ճանապարհային ոստիկանության» ծառայության պետը

Քիչ առաջ հայտնի դարձավ, որ ձերբակալվել է ՀՀ Ոստիկանության «Ճանապարհային ոստիկանության» ծառայության պետ Մարգար Օհանյանը՝ առանձնապես խոշոր չափերի հափշտակության կասկածանքով։ Նախաքննությունը վարում է հատուկ քննչական ծառայությունը։
7or.am

Չինաստանի իշխանությունները վախեցնում են սոցցանցերի օգտագործողներին

Չինաստանում սոցցանցերից օգտվողը կարող է արգելափակվել մեկ ամսով, եթե տարածի չհիմնավորված տեղեկություններ: Այսպիսի հաղորդագրություն են ստացել Twitter-ի չինական համարժեք Weibo սոցցանցի ավելի քան 200 միլիոն օգտագործողներ, հաղորդում է ABC ռադիոալիքը:
Պեկինյան ինտերնետային Danwei պարբերականի հիմնադիր Ջերեմի Գոլդքորնը (Jeremy Goldkorn) ռադիոկայանի հետ հարցազրույցում կարծիք է հայտնել, որ ՉԺՀ-ում սոցիալական ցանցերի հսկողության խստացումը կապված է արաբական աշխարհում տեղի ունեցած հեղափոխությունների հետ:
pcnews.am

Հայ գիտնականը Նոբելյան մրցանակի արժանի հայտնագործություն է արել

Մեր տիեզերքը միայն մեկ փուլն է Մեծ պայթյունների հերթագայության եւ ոչ թե արդյունքը միայն մեկ բացառիկ Մեծ պայթյունի. 2010 թվականի վերջին հայ գիտնական, ֆիզիկոս, պրոֆեսոր Վահագն Գուրզադյանի այս ֆունդամենտալ հայտնագործությունը ցնցեց համաշխարհային գիտական հասարակությունը:  Սրանով Վահագն Գուրզադյանը հերքեց այն դիտարկումը, թե 20-րդ դարով ավարտվել է  ֆունդամենտալ հետազոտությունների դարաշրջանը: Սա իրավամբ հեղափոխական հայտնագործություն է, որը կարող է հավակնել Նոբլելյան մրցանակի: Վահագն Գուրզադյանն այս կապակցությամբ բացառիկ հարցազրույց է տվել webtv.am-ին: Գիտնականն անդրադառնում է նաեւ Արարատի լանջին իր կողմից հայտնաբերված մետեորիտի խառնարանին եւ հայկական անհայտ եկեղեցու ավերակներին: Հարցազրույցը կարող եք դիտել այստեղ:
hraparak.am

Սեպտեմբերի 1-ից մեկնարկում է Սեւան-Ալմաստ-Սեւան մերձքաղաքային էլեկտրագնացքը

Ամառային ուղեւորափոխադրումների սեզոնի ավարտի կապակցությամբ, «Հարավկովկասյան երկաթուղի» ընկերությունը սեպտեմբերի 1-ից կասեցնում է Հրազդան-Ալմաստ-Շորժա էլեկտրագնացքի երթեւեկությունը եւ նշանակում է №№6530/6531/6532/6533 Սեւան-Ալմաստ-Սեւան էլեկտրագնացքը:

ՀԿԵ-ի մամուլի ծառայությունիցNEWS.am-ին հայտնում են, որ նոր գնացքը, որը նշանակված է ներհանրապետական ուղեւորափոխադրումների օպտիմալացման նպատակով, աշխատելու է ամեն օր (բացի չորեքշաբթի օրերից):

Սեւան-Ալմաստ-Սեւան էլեկտրագնացքը մեկնելու է Սեւանից 6:25 и 17:00, հասնելով Երեւանի «Ալմաստ» կառամատույց համապատասխանաբար ժամը 8:30 եւ 19:05-ին: Ալմաստից գնացը մեկնելու է ժամը 9:00 и 19:35, հասնելով Սեւան համապատասխանաբար ժամը 10:48 եւ 21:23:

Գնացքի մանրամասն չվացուցակին կարելի է ծանոթանալ ԱՅՍՏԵՂ:
news.am

ՙՎՈՐԼԴ ՎԻԺՆԻ՚ ԱՋԱԿՑՈՒԹՅԱՄԲ ԶԱՐԳԱՆՈՒՄ Է ՏՈՀՄԱԲՈՒԾՈՒԹՅՈՒՆԸ

Գեղարքունիքի մարզի Գավառ քաղաքային, Գեղարքունիք, Լանջաղբյուր, Սարուխան, Գանձակ, Ծաղկաշեն, Լճափ, Ծովազարդ, Հայրավանք, Բերդկունք գյուղական համայնքներում ՙՎորլդ Վիժն՚ կազմակերպության Գավառի տարածքային գրասենյակի նախաձեռնությամբ եւ ֆինանսական աջակցությամբ կազմակերպվել է խոշոր եղջերավոր անասունների արհեստական սերմնավորում՝ տոհմաբուծությունը գյուղացիական տնտեսություններում զարգացնելու նպատակով:

Ինչպես տեղեկացրեց ՙՎորլդ Վիժն՚ կազմակերպության Գավառի տարածքային գրասենյակի ղեկավար Հուսիկ Սարգսյանը՝ խոշոր եղջերավորների արհեստական սերմնավորման աշխատանքները նշյալ համայնքներում սկսվել են այս տարվա մարտից եւ ավարտին հասցվել հունիսի 15-ին: Ծրագրի իրականացման համար կազմակերպությունը ներդրել է մոտ 6,5 միլիոն դրամ:

ՙՔարդ՚ կազմակերպության նախաձեռնությամբ ծրագիրն իրականացնելու համար նախօրոք վերապատրաստվել են Գանձակ եւ Գավառ համայնքների անասնաբույժները, ովքեր եւ իրականացրել են նշյալ համայնքների ընտրված տնտեսությունների 500 կովերի արհեստական սերմնավորման աշխատանքները: Նախորդ տարի եւս ՙՎորլդ Վիժն՚-ը նույն համայնքներում իրականացրել է խոշոր եղջերավորների արհեստական սերմնավորման աշխատանքներ 250 գլուխ կովերի շրջանում: Արհեստական սերմնավորումից հետո կազմակերպությունը շարունակում է հետեւել սերմնավորված կովերի առողջական վիճակին, ծնի շրջանին, հորթերի զարգացմանն ու աճին: Կովերին սրսկվել է ՙՋերսեյ՚« ՙՇվից՚, ՙՍեմինալ՚ ցեղական անասունների սերմեր:
geghamaashkharh.blogspot.com

«Հաճելի անակնկալ» Ադրբեջանին. Արցախի անկախության 20-ամյակը տոնելու են Գերմանիայում

Ամպագոռգոռ ու ստահոդ տեղեկություններով հեղեղված ադրբեջանական մամուլը ցնցված է. Գերմանիայում սույն թվականի սեպտեմբերի 16-22-ը անցկացվելու են հայ մշակույթի օրեր, որոնց շրջանակներում հատուկ համերգաշարով տոնվելու է Լեռնային Ղարաբաղի Հանրապետության 20-ամյակը: Այս լուրը մեծ իրարանցումների տեղիք է տվել Ադրբեջանում: Ինչպես հաղորդում է ադրբեջանական Aze.Az լրատվական կայքը, Գերմանիայում բնակվող ադրբեջանցիներին միավորող կենտրոնը կազմակերպել է գրավոր ակցիա` ուղղված «հայամետ նախաձեռնության դեմ»: Տեղի ադրբեջանցիները չեն զլացել մի քանի էջանոց, ծավալուն բողոքի նամակներ հղել նախ Բադեն-Վյուրտեմբերգի տեղական ինքնակառավարման մարմիններին, ապա Շտուտգարդ քաղաքի քաղաքապետարանին: News.Az կայքը հատ առ հատ նշում է այն բոլոր ադրբեջանական կազմակերպությունների երկար ու անհասկանալի անվանումները, որոնք մասնակցել են ակցիային. Եվրոպայի ադրբեջանցիների կոնգրես, Գերմանիայում ադրբեջանական սփյուռքի կենտրոնական խորհուրդ, Հաննովերի «Խազար» միություն, Մագդեբուրգի ադրբեջանագերմանական բարեկամության միություն, ALM.AZ-ը` Դրեզդենից և այլն, պարզապես սարսափել կարելի է:Ճ Նամակներում շեշտված է, թե իբր Հայաստանի Հանրապետությունը մշտապես ագրեսորի քաղաքականություն է վարել Ադրբեջանի նկատմամբ, չի կատարում ու պարբերաբար խախտում է հրադադարի ռեժիմն ու դրա պայմանները: Հարկ է նշել նաև, որ սույն նամակները ստորագրել են ոչ միայն ադրբեջանական մի շարք համայնքներ, այլև տեղի հրեական համայնքներն ու կազմակերպությունները (պետք է համապատասխան հետևություններ անել): Հաջորդ օրը ակնհայտ է դառնում, որ բողոքի նոտա է հղվել Գերմանիային արդեն իսկ պաշտոնական Բաքվի կողմից: Ավելին, բողոքի ակցիային իր հստակ քայլերով միացել է Գերմանիայում Ադրբեջանի դեսպանը, որը` համաձայն մի քանի կայքերի, հանդիպումներ է ունեցել Շտուտգարդի քաղաքապետարանում նշված հարցի շրջանակներում, սակայն լրատվական մի շարք գործակալություններ էլ հավաստում են, որ դեռ պատրաստվում է կամ ծրագրել է հանդիպումներ կազմակերպել Շտուտգարդի քաղաքապետի հետ: Խեղճ ադրբեջանցիներ, զուր ժամանակ են ծախսում, չգիտեն` ում դեմ պայքարել. մի կողմից հայերն են նեղում Արցախի հարցով, մյուս կողմից` Իրանում փաստերով ապացուցել են, որ Բաքուն հնագույն իրանական քաղաք է, իսկ «Ադրբեջան» անվանումն անգամ տեղական ծագում չունի («Ատրպատական»-ի փոխակերպված ձևն է): Եվ այս ամենը միայն սկիզբն է… Հիշեցնեմ Ադրբեջանին, որ ստի ու կեղծիքի վրա հիմնված ոչ մի բան երկար կյանք չի ունենում: blog.liberal.am

Google Maps-ում արդեն կա ձայնով կառավարելու հնարավորություն

Google ընկերությունն իր Chrome դիտարկչում ավելացրել է նոր ֆունկցիա, որ վերաբերվում է Google Mapsքարտեզների ծառայությանը: Այժմ այս ծառայության օգտագործողները կարող են ոչ միայն ստեղնաշարով հավաքել փնտրվող տեղանունը, այլ նաև ուղղակի բարձրաձայն արտասանել այն` սեղմելով փնտրման տողի վրայի բարձրախոսի նկարին:

Այս ծառայությունն առավել օգտակար է, երբ չգիտես փնտրվող տարածքի անվանման ճիշտ գրելաձևը:
Oգտակար հավելումն արդեն կիրառելի է Windows և MacOS համակարգերի համար:

pcnews.am

Google Chrome-ը կունենա հայերեն սխալների ուղղման ծրագիր

Մինչեւ սեպտեմբերի վերջ պատրաստ կլինի Google Chrome բրաուզերի համար հայերեն սխալների ուղղման (spell check) հավելումը: Այն հնարավոր կլինի ներբեռնել հենց բրաուզերի նախընտրությունների պատուհանից։ Այս մասին NEWS.am- Ինովացիայի թղթակցի հետ զրույցում ասաց ծրագրի հեղինակ Ալեքսեյ Չալաբյանը։ Նրա խոսքով՝ այդ հավելումը ստեղծելն իրենցից շատ ջանջեր չի պահանջի, քանի որ նման փորձառություն արդեն իսկ ունեն՝ ստեղծելով Firefox բրաուզերի համար հայերեն սխալների ուղղման ծրագիր:

«Նմանատիպ ծրագրեր մենք հիմնականում ստեղծում ենք կամավոր, եւ այսպիսի ծրագրեր ստեղծելու համար տարբեր մասնագետներ են պետք՝ ծրագրավորողներ, լեզվաբաններ, ովքեր ցանկություն կհայտնեն մեզ կամավոր օգնելու»,-ասաց Ա. Չալաբյանը՝ նշելով, որ եթե մասնագետ-կամավորների թիվն ավելանա, ապա իրենք հնարավորություն կունենան ավելի արագ  նմանատիպ տարբեր ծրագրեր պատրաստել։

Ա. Չալաբյանի տեղեկացմամբ, Firefox բրաուզերի համար հայերեն սխալների ստուգման հավելումը մինչ օրս ներբեռնվել է 11693 անգամ, իսկ այն ակտիվ օգտագործողների թիվը մոտ 2000 է։ Այն կարելի է անվճար ներբեռնել ԱՅՍՏԵՂ։
news.am