Հայ-վրացական սահմանը կդառնա թափանցիկ, ինչպես ֆրանս-գերմանականն է. Սաակաշվիլի

Թբիլիսիում ավարտվեց նախագահներ Սերժ Սարգսյանի և Միխեիլ Սաակաշվիլիի հանդիպումը, որից հետո նրանք հանդես եկան հայտարարություններով։ Այս մասին հայտնում է Tert.am-ի թղթակիցը Թբիլիսիից։

«Մեծարգո նախագահ, հղում եմ ձեզ իմ ողջույնի խոսքը։ Սկզբից ևեթ մեր հարաբերությունները եղել են բարձր մակարդակի վրա, մեր երկու երկրների միջև հարաբերությունները երբեք այսքան ջերմ չեն եղել, որքան այսօր»,- Սերժ Սարգսյանին դիմեց նրա վրացի պաշտոնակիցը։

Նա ներկայացրեց, որ վերջին տարվա ընթացքում հայ-վրացական սահմանը 600 հազար ՀՀ քաղաքացի է հատել, ինչը խոսում է համագործակցության բարձր մակարդակի մասին։

«Լուրջ քայլեր ենք ձեռնարկել պարզեցնելու մեր հարաբերությունները։ Չեմ մոռացել 2 տարի առաջ Հայաստան կատարած իմ այցելությունը։ Դա հենց 2008-ի պատերազմից հետո էր, երբ Հայաստանը մեզ բարոյական օգնության ձեռք մեկնեց։ Ավելի կպարզեցնենք մեր սահմանային անցակետերը և նոր անցակետեր կկառուցենք, արդյունքում քաղաքացիները կստուգվեն միայն մեկ կետում և հնարավոր է՝ պարտադիր չլինի անգամ մեքենայից դուրս գալ։ Սահմանը կդառնա նույնքան թափանցիկ, որքան ֆրանս-գերմանական սահմանն է։ Նման բան արդեն արել ենք Թուրքիայի դեպքում»,- ասաց Սաակաշվիլին։

«Ուզում եմ նշել, որ մեր երկու երկրների միջև չի ծագել որևէ խնդիր, որը չկարողանայինք լուծել։ Մեր կոնցեպցիան հիմնված է միացյալ Կովկասի սկզբունքի վրա։ Միասնությունը կստեղծի քաղաքական բարեկամության տարածք։ Բոլոր կոնֆլիկտները կլուծվեն ավելի շուտ, քան պատկերացնում էինք։ Արտաքին ուժերի միջամտությունը դրան միայն կխանգարի»,- հայտարարեց Վրաստանի նախագահը։

Նա հատուկ շնորհակալություն հայտնեց Սերժ Սարգսյանին, քանի որ նրա ներդրման շնորհիվ են հայ-վրացական հարաբերությունները ներկայիս մակարդակին։ «Նրրա բարի տրամադրվածությունը դրա առհավատչյան է։ Նախագահ Սերժ Սարգսյանը ջանք չի խնայում, որ Հայաստանը դառնա վստահելի գործընկեր։ Սա պաշտոնական այց է, բայց միևնույն ժամանակ՝ նաև հին ընկերների հանդիպում»,- ասաց Սաակաշվիլին։
 tert.am

Orange-ը մեկնարկեց Արյուծ սակագնային պլանը

Դելֆինի, Թիթեռի և Պանտերայի ընտանիքը համալրվել է նոր` Առյուծ սակագնային պլանով: Առյուծը հետվճարային ամսական բաժանորդագրություն է, որի շնորհիվ բաժանորդները միշտ վճարում են ծառայություններից օգտվելուց հետո: Այն հատկապես հարմար է նրանց, ում պահանջներն ամսեամիս կարող են տարբեր լինել, մասնավորապես` անհատ ձեռնարկատերերին և փոքր ընկերություններին:

Առյուծ ամսական բաժանորդագրության հետ յուրաքանչյուր ամիս բաժանորդը վճարում է իր սակագնային պլանին համապատասխան բաժանորդավճար և նախորդ ամսվա ընթացքում օգտագործված ծառայությունների գումարը: Սակագնային պլանի բոլոր մանրամասները կարելի է տեսնել http://orangearmenia.am/mobile/every-month/lion/ էջում:

Տղամարդկանց ընկճախտի պատճառներից մեկը

Հայրերի շուրջ 10%-ը երեխայի ծնունդից հետո տառապում է ընկճախտով: Այս եզրահանգմանն են եկել Վիրջինիայի բժշկական դպրոցի գիտնականների խումբը` Ջեյմս Պոլսոնի գլխավորությամբ:

Պոլսոնի խումբն ուսումնասիրել է նախկին 43 հետազոտությունների տվյալներ, որոնք իրականացվել են 1980-2009 թվականների ընթացքում` 28 հազար տղամարդու մասնակցությամբ: Հետազոտողներին հետաքրքրել են ընկճախտի այն դեպքերը, որոնք զարգացել են իրենց կանանց հղիության ժամանակ, ինչպես նաև երեխայի ծնվելուց հետո:

Գնահատելով ստացված տվյալները` գիտնականները հայտնաբերել են, որ երեխայի ծնունդով պայմանավորված ընկճախտով տառապել են հայրերի 10.4 %-ը: Մինչդեռ տղամարդկանց չնչին մասի մոտ այս հոգեբանական խանգարումը զարգանում էր երեխայի ծնունդից միայն երեք ամիս անց: Հայրերի մեծ մասը երեխայի ծննդյան 3-6 ամսիսների ընթացքում է տառապել ընկճախտով:

Գիտական աշխատանքների հեղինակները կարևոր են համարել տղամարդկանց մոտ ընկճախտի ախտորոշման մեթոդների կատարելագործումը, քանի որ ծնողների մոտ առկա հոգեբանական խանգարումները բացասաբար են անդրադառնում երեխայի հուզական և ֆիզիկական վիճակի վրա:

Աղբյուրը` Doctors.am

Նուռը կանխում է մաշկի ծերացումը

Նուռն օգնում է կանխել սրտի հիվանդությունները, նվազեցնել սթրեսի մակարդակը և նույնիսկ բարելավել սեռական կյանքի որակը: Իսկ վերջերս էլ գիտնականները հայտարարեցին, որ նուռը համարվում է երիտասարդության աղբյուր: Պարզվում է` նռան ամենօրյա օգտագործումը դադաղեցնում է ԴՆԹ-ի ծերացման գործընթացը: Այս մասին հյատնում է The Daily Mail պարբերականը:

Գիտնականներն այս եզրահանգմանն են եկել 60 կամավորներին ուսումնասիրելու արդյունքում: Նրանք մեկ ամիս շարունակ ընդունել են նռան հյութ: Ընդ որում, գիտնականները հետևել են օրգանիզմում քիմիական միացությունների ակտիվությանը նաև մեկ այլ խմբի մոտ, ովքեր նռան հյութ չեն ընդունել:

Այսպես, նրանք նկատել են, որ նռան հյութ ընդունողների մոտ զգալիորեն նվազել է 8-Oxo-DG մարկերի խտությունը, որոնք կապվում են բջջային այնպիսի վնասվածքների հետ, որոնք կարող են խախտել գլխուղեղի, մկանների, լյարդի, երիկամների աշխատանքը և հանգեցնել մաշկի ծերացման:

Հայտնի է նաև, որ նուռը հարուստ է А, С, Е, վիտամիններով, երկաթով և անտիօքսիդանտով, որը չեզոքացնում է ազատ ռադիկալների աշխատանքը:

tert.am

BMW-ն ածխածնամանրաթելային էլեկտրոմոբիլներ կարտադրի (լուսանկարներ)

Նլու-Յորքի ավտոցուցահանդեսի շրջանակներում BMW-ն 2 կոնցեպտուալ ավտոմեքենա է ցուցադրել` i3-ը և i8-ը: i3-ը հիբրիդային ուժային համակարգով է, իսկ i8-ը «մաքուր» էլեքտրոմոբիլ է: MIGnews-ի հաղորդմամբ, 2 մեքենան էլ պատրաստված են կոմպոզիտային նյութերից:
 

t

tert.am

Տղամարդկանց ավելի հեշտ է խաբել սոցցանցերում, քան կանանց. հետազոտություն

Երբ խոսքը գնում է սոցցանցերի մասին, տղամարդիկ ավելի միամիտ են գտնվում, քան կանայք: Այսպիսի եզրահանգման են եկել հակավիրուսային ծրագրային ապահովում մշակող BitDefender ընկերության մասնագետները:

ԱՄՆ-ում ու Մեծ Բրիտանիայում անցկացվել է հարցում, որին մասնակցել են 1500 ինտերնետ օգտագործողներ: Պարզվել է, որ տղամարդիկ ավելի անզգույշ են և անտեսում են անվտանգության կարգավորումները, երբ, օրինակ, Facebook-ում ծանոթանում են «չքնաղ գեղեցկուհու» հետ: Գրում է The Daily Mail-ը:

Անծանոթների կողմից ուղարկված ընկերական հրավերը մերժել է կանանց 64,2%-ն ու տղամարդկանց միայն 55,4%-ը: Բացի այդ՝ տղամարդիկ ավելի հակված են ընդունել այն կանանց ընկերանալու հրավերները, որոնք ունեն գրավիչ նկար:

«Տղամարդիկ ավելի հաճախ են իրենց վտանգի ենթարկում՝ անզգուշորեն խոսելով իրենց գտնվելու վայրի և անձնական այլ մանրամասների մասին»,-ասել է BitDefender-ի ներկայացուցիչ Ջորջ Փիթրը: Նա այս պահվածը բացատրել է նրանով, որ կանայք ի ծնե ավելի հակված են զգուշանալ, քան տղամարդիկ:
pcnews.am

Բարձ, որն օգնում է հաղթահարել հեռավորությունը (տեսանյութ)

Շոտլանդացի դիզայներ Ջոաննա Մոնտգոմերին ստեղծել է հատուկ բարձ՝ PillowTalk, որը թույլ է տալիս զգալ հեռու գտնվող մարդու ներկայությունը: Այն աշխատում է հետևյալ կերպ. օգտագործողը պետք է քնելուց առաջ իր մատին ամրացնի հատուկ զգիչ (սենսոր), իսկ բարձի մեջ տեղադրի պանել, որը պատրաստված է կտորից. նույնը վերաբերում է նաև զուգընկերոջը:

Երբ նրանցից մեկը գնում է քնելու, երկու բարձերի մեջ ստեղծվում է անլար կապ: Օգտագործողի բարձը ազդանշան է ուղարկում մյուս բարձին, որը սկսում է լույս արձակել՝ տեղեկացնելով, որ իր «տերն» արդեն պառկել է քնելու: Իսկ ամբողջ գիշերվա ընթացքում բարձերից լսվում են զուգընկերոջ սրտի զարկերը (փոխանցվում է մատին ամրացված զգիչից ստացված ազդանշանը):

PillowTalk-ը մեծ հետաքրքրություն է առաջացրել ու հնարավոր է՝ շուտով հայտնվի մեծ շուկայում:

pcnews.am

Ակտիվացրեք ինտերնետ-փաթեթ և ստացեք անվճար խոսելաժամանակ

Նոյեմբերի 10-ից 2012թ. հունվարի 31-ը, ակտիվացնելով «inet 100», «inet 200» կամ «inet 1000» ինտերնետ-փաթեթ, ՎիվաՍել-ՄՏՍ-ի կանխավճարային բաժանորդները կստանան նաև անվճար ներցանցային խոսելաժամանակ` կախված փաթեթի չափից:

 

Ինտերնետ-փաթեթ	Անվճար խոսելաժամանակ (րոպե)
«inet 100»	100
«inet 200»	150
«inet 1000»	500

 

Այսպես, ակտիվացնելով «inet 200» փաթեթը, Դուք կստանաք ոչ միայն 200 ՄԲ ինտերնետ, այլ նաև 150 րոպե անվճար ներցանցային խոսելաժամանակ:

 

Հիշեցնենք, որ ինտերնետ-փաթեթ կարելի է ակտիվացնել ուղարկելով *477*փաթեթի չափը# հրահանգը: Իսկ չօգտագործած ՄԲ-երն ու խոսելաժամանակը, ինչպես նաև փաթեթի վավերականության ժամկետը ճշտելու համար անհրաժեշտ է ուղարկել *477# հրահանգը:
mts.am

Մեկուկես տարուց Nokia և Sony Ericsson բրենդները կվերանան. փորձագետներ

Մինչև 2012թ. վերջը հեռախոս արտադրող Nokia և Sony Ericsson համաշխարհային հայտնի բրնդերը կվերանան։ Այսպիսի ենթադրություն են արել 24/7 Wall St ռեսուրսի վերլուծաբանները։
Պարբերականի տվյալով՝ ոչ Nokia-ն, ոչ Sony Ericsson-ը շուկայում մնալու ոչ մի հնարավորություն չունեն։ Ֆիննականընկերությունը, որը դեռ 2010թ. սկզբին բջջային հեռախոսների շուկայում ուներ շուրջ 31% բաժին, այժմ զգալիորեն կորցրել է մասսայականությունը։ Ընթացիկ տարվա առաջին քառորդում նրա բաժինը 25% էր։
Փորձագետները կարծում են, որ Nokia-ին կուլ կտա մեկ այլ ավելի հաջողակ մրցակից։ Հնարավոր է՝ դա լինի HTC–ն, որը սմարթֆոն արտադրող չորրորդ խոշոր ընկերությունն է աշխարհում։ Nokia-ի վրա հավակնություններ կարող են ունենալ նաև Microsoft-ը, Samsung-ը և LG Electronics-ը։
Sony Ericsson բրենդին, պարբերականի կանխատեսումներով, մնացել է 18 ամիս։ Այն դեպքում, երբ սմարթֆոնների վաճառքն ամբողջ աշխարհում ցուցաբերում է երկնիշ աճ, իսկ iPhone-ների վաճառքը տարեկան կրկնապատկվում է, Sony Ericsson-ի վաճառքը 2008թ. 97 մլն-ից 2010թ. հասել է 43 մլն-ի։
Sony Ericsson-ը չի դիմանանում Apple-ի, Research in Motion-ի և HTC-ի մրցակցությանը և ստիպված է հեռացնել հազարավոր աշխատակիցների։ Շուկայում լուրեր են պտտվում, որ Sony-ն կհրաժարվի Ericsson-ի հետ համագործակցությունից և հանդես կգա Sony անվանմամբ։

tert.am

ԿՀՎ-ն վերահսկում է սոցիալական ցանցերը ողջ աշխարհում

ԱՄՆ Կենտրոնական հետախուզական վարչությունում (ԿՀՎ) գոյություն ունի հատուկ ստորաբաժանում,  որի փորձագետները զբաղվում են սոցիալական ցանցերի գրառումների համատարած մոնիտորինգով:

Ինչպես փոխանցում է Associated Press-ը, որի թղթակիցները եղել են գաղտնի տեխնոպարկում, ստորաբաժանումն օրական ծանոթանում է մինչեւ  5 մլն գրառման միայն  Twitter-ում:  Նույնքան մանրակրկիտությամբ հետեւոմ են  Facebook-ի եւ սոցիալական մյուս ցանցերի գրառումներին: ԿՀՎ-ն նաեւ աչալրջորեն հետեւում է տեղական հեռուստաալքիների, ռադիոկայանների, թերթերի  եւ համացանցային ֆորումների տեղեկատվությանը:

Ողջ տեղեկատվությունն ամեն օր զեկուցվում է ԱՄՆ նախագահին Սպիտակ տան ներքին խորհրդակցությունների ժամանակ:

news.am

Internet Explorer-ի անկումն ամենամեծն էր վերջին 3 տարվա ընթացքում

Net Applications ընկերությունը գնահատել է 2011թ. հոկտեմբեր ամսվա ինտերնետ-դիտարկիչների շուկայական բաժնեմասերը: Ըստ ընկերության դիտարկումների՝ Internet Explorer դիտարկիչը, չնայած նրան, որ դեռ ամենատարածված դիտարկիչն է, ունեցել է մասնաբաժնի խոշորագույն անկումը վերջին 3 տարվա կտրվածքով: Հոկտեմբեր ամսվա ընթացքում IE-ն կորցրել է շուկայի 1,8%-ը, և այժմ այս դիտարկիչն օգտագործում է օգտագործողների 52,6%-ը` ի տարբերություն 2010թ. հոկտեմբերի 61%-ի: Եթե այս օրինաչափությունը պահպանվի, ապա արդեն 2012թ. հունվարին Internet Explorer-ի մասնաբաժինը դիտարկիչների շուկայում ցածր կլինի 50%-ից:

Firefox դիտարկիչը, որ երկրորդն է այս ցուցակում, շարունակում է պահպանել իր 22,5% ցուցանիշը: 2010թ. նույն ժամանակահատվածում այն ուներ 23,6% ցուցանիշ:

Երրորդ տեղում է Google Chrome-ը, որի մասնաբաժինը միայն վերջին ամսվա ընթացքում աճել է 16,2-ից մինչև 17,6%: Ըստ վերլուծաբանների կանխատեսումների՝ մյուս տարվա հունվար-փետրվար ամիսներին Chrome-ը կհասնի 20% ցուցանիշի, իսկ ապրիլին անգամ կարող է առաջ անցնել Firefox դիտարկչից:

Apple Safari-ի մասնաբաժինն աճել է 5,0-ից մինչև 5,4%, իսկ Opera դիտարկչինը՝ նվազել 1,7-ից 1,6%:
pcnews.am

Կյանքից գոհ լինելը Ձեր իսկ շահերից է բխում

Սրտի հիվանդությունների առաջացումն առավել քիչ պետք է անհանգստացնի այն մարդկանց, ովքեր իրենց կյանքից գոհ են: Ընկճախտն ու անհանգստությունն արդեն իսկ նշված են սրտի վրա վատ ազդեցություն ունեցող գործոնների ցանկում, սակայն քչերը գիտեն, որ լավ տրամադրությունը դրական ազդեցություն է թողնում սրտի վրա:

Գիտնականները հետևել են 8000 բրիտանացի պետական աշխատողների` վերլուծելով նրանց առողջական վիճակը և կյանքից գոհ լինելու աստիճանը: Գիտնականները մասնակիցներին հարցեր էին տալիս սիրո, մարդկային փոխհարաբերությունների, կենսամակարդակի և ընտանիքի մասին:

Մասնակիցներին խնդրել էին 1-7 սանդղակով գնահատել իրենց կյանքի որակը: Ընդ որում` միևնույն ժամանակ ստուգվում էր մասնակիցների սրտի առողջական վիճակը:

Պարզվեց, որ հարցման արդյունքում առավել բարձր ցուցանիշներ գրանցած մարդկանց մոտ սրտային հիվանդությունների առաջացման հավանականությունը շատ ավելի ցածր էր` մոտ 13%: Նման մեխանիզմն աշխատում էր ինչպես տղամարդկանց, այնպես էլ կանանց մոտ:

Աղբյուրը` Doctors.am

Թողարկվել է Opera Mini-ի 6.5 տարբերակը, որը հասանելի է հեռախոսների մեծ մասին

Ներկայացվել է Opera Mini բջջային դիտարկչի 6.5-րդ տարբերակը, որը կարող են բեռնել iPhone, iPad, BlackBerry, Symbian S60 և Java-հեռախոսների օգտագործողները: Դիտարկչի հիմնական յուրահատկությունն այն է, որ այն կարողանում է իրական ժամանակում գնահատել՝ ինչքան է խնայել օգտագործողը կայքերը դիտելիս:

Նշենք, որ Opera Mini-ն մոտ 90%-ով սեղմում է տվյալները՝ թույլ տալով օգտագործողի խնայել:

Նոր տարբերակում հասցեի տողում ավելացվել է նաև «աստղ», որի օգնությամբ արագ կարելի է էջանշել կայքերը կամ դրանք ավելացնել դիտարկչի մեկնարկային էջում:

Opera Mini 6.5-ը հասանելի է Apple App Store-ում և Android Market-ում, ինչպես նաև կարելի է այն բեռնել m.opera.com կայքից՝  Symbian S60, BlackBerry և Java-հեռախոսների համար:
pcnews.am

Օմբուդսմենի գրասենյակի անվճար հեռախոսաամար` 116

«Beeline»-ը Հայաստանի Մարդու իրավունքների պաշտպանի գրասենյակին տրամադրեց 116 անվճար կարճ հեռախոսահամար` քաղաքացիներից զանգեր ընդունելու նպատակով:

Դուք կարող եք անվճար զանգահարել 116 հեռախոսահամարին և թողնել հաղորդագրություն կամ ստանալ անհրաժեշտ խորհրդատվություն` մարդու իրավունքների պաշտպանության հարցերի վերաբերյալ:

116 հեռախոսահամարին զանգահարելն անվճար է Հայաստանի ցանկացած բջջային և քաղաքային հեռախոսահամարներից:

beeline.am