Ահա նրա տղամարդը

ՀՀ ոստիկանության 1-ին վարչության 3-րդ՝ բարձր տեխնոլոգիաների ոլորտում կատարվող հանցագործությունների դեմ պայքարի բաժինը բացահայտել է, թե ով է դերասանուհի Անժելա Սարգսյանի մերկ լուսանկարները տեղադրել համացանցում: 25-ամյա երիտասարդը, Անժելա Սարգսյանի զուգընկերն է եղել: 1-ին վարչության 3-րդ բաժինը տեսանյութի վերծանումից պարզել է նրա ինքնությունն ու հրավիրել բաժին: Նրանից բացատրություն է վերցվել, եւ վերջինս խոստովանել է, որ ինքն է կադրերը տեղադրել համացանցում, որպեսզի «պատռի Անժելայի կեղծ դիմակը»: Երիտասարդին նման խորհուրդ տվել է «Ո՞ւր է իմ տղամարդը» սերիալի Անժելայի խաղընկերուհիներից մեկը: Այս պահին կիբերհանցագործությունների դեմ պայքարի բաժնում նյութեր են նախապատրաստվում:

Մեր ունեցած տեղեկություններով, հանցագործությունը կատարել է Կարեն Արայանը: Նա 2006թ-ին դատապարտվել է ավազակային հարձակման համար, իսկ 2009թ-ին պայմանականով ազատ է արձակվել:

Մամուլում լուրեր տարածվեցին, որ Անժելա Սարգսյանը «Կյանքի խոսք» եկեղեցու համակիրներից է: Ի՞նչպես է եկեղեցին վերաբերվում նրա անվան հետ կապված լուրերին: «Կյանքի խոսք» եկեղեցու մամուլի խոսնակ Արմեն Լուսյանը չհերքեց, որ Անժելան հաճախում է իրենց եկեղեցին, եւ ասաց, որ նպատակահարմար չի գտնում մեկնաբանել այդ հարցը: «Յուրաքանչյուր ոք ունի անձնական կյանքի իրավունք:  Տվյալ մարդը կարող է որոշակի պարզաբանումներ տալ կամ խոսել»,-ասաց նա: «Իսկ Անժելային կարգելվի՞ գալ եկեղեցի: «Մենք ընկած մարդուն ոտնատակ չեք տալիս: Առավել նրա շրջապատի մարդիկ պետք է օգնեն, որ Անժելան դուրս գա այդ վիճակից, ոչ թե ավելի գցեն»,-ասաց մամուլի խոսնակը:
hraparak.am