Կայք, որը թույլ է տալիս առցանց ռեժիմում պրեզենտացիաներ պատրաստել

prezi.com կայքը թույլ է տալիս անմիջապես կայքում արագ և հեշտ կերպով flash ֆորմատի պրեզենտացիաներ պատրաստել: «Կայքը հնարավորություն է տալիս նաև աշխատել խմբերով»,-նշում է Բարքեմփ Արցախ 2011-իմասնակից Կարեն Դերձյանը:

Prezi-ի վճարովի տարբերակը թույլ է տալիս պահպանել ֆայլը համակարգչում և օգտվել դրանից առանց ինտերնետի, իսկ iPad-տարբերակը օպտիմալացված է հատուկ Apple-ի պլանշետի համար:

Կայքից օգտվելը վճարովի է, սակայն որպես ուսանող գրանցվելու դեպքում հնարավոր է օգտվել նաև անվճար:

Կարեն Դերձյանը նշում է, որ կայքի թերությունը հայերեն ֆոնտեր չճանաչելն է, սակայն այս խնդիրը կարելի է լուծել՝ տեքստերը նկար դարձնելով:

Պրեզենտացիայի երկրորդ մասում Կ. Դերձյանը ներկայացրեց Bambuser.com կայքը, որը թույլ է տալիս ցանկացած տեսախցիկի առկայության դեպքում անվճար օնլայն հեռարձակում կազմակերպել և թույլ տալ, օրինակ, Facebook սոցցանցի ընկերներին դիտել այն:

Նշենք, որ այսօր Բարքեմփի երկրորդ օրն է, և առաջին օրվա համեմատ մասնակիցներն ավելի ակտիվ են, իսկ պրեզենտացիաներն անկացվում են միաժամանակ երեք սենյակներում:

Միջոցառմանը մասնակցում է մոտ 60 հոգի Հայաստանից ու Սփյուռքից և 50 հոգի` Արցախից: Ինչպես միշտ, Բարքեմփը մի հարկի տակ միավորել է ՏՏ մասնագետների, ճարտարագետների, ծրագրավորողների, բլոգերների, օն-լայն լրագրողների և սոցիալական ցանցերի ակտիվիստների, ովքեր ոչ պաշտոնական մթնոլորտում քննարկում են տարածաշրջանում և աշխարհում համացանցային տեխնոլոգիաների, սոցիալական մեդիայի զարգացումները:
pcnews.am